Jan 23, 2021 | 6:16 PM

Trend TV

Better Informed Today

بھارتی فوج کا ایک مرتبہ پھر رات کی تاریکی میں حملہ

ایل او سی کے باگسر سیکٹر پر دشمن فوج کی اشتعال انگیزی کے نتیجے میں پاک فوج کے 2 جوان شہید، جوابی کاروائی میں بھارتی فوج کا بھی بھاری جانی و مالی نقصان بھارتی فوج کا ایک مرتبہ پھر رات کی تاریکی میں حملہ۔ پاک فوج کے شعبہ تعلقات عامہ آئی ایس پی آر کی جانب سے فراہم کردہ تفصیلات کے مطابق بزدل بھارتی فوج نے ایک مرتبہ پھر رات کی تاریکی کا فائدہ اٹھاتے ہوئے ایل او سی پر سیز فائر معاہدے کی خلاف ورزی کرتے ہوئے پاکستانی فوجی چوکیوں کو نشانہ بنایا۔
ایل او سی کے باگسر سیکٹر پر دشمن فوج کی اشتعال انگیزی کے نتیجے میں پاک فوج کے 2 جوان شہید ہوگئے۔ بھارتی فوج کی اس اشتعال انگیزی کے بعد پاک فوج نے بھی بھرپور جوابی کاروائی کی۔ پاک فوج کی منہ توڑ جوابی کاروائی کے نتیجے میں بھارتی فوج کا بھی بھاری جانی و مالی نقصان ہوا۔ واضح رہے کہ حالیہ کچھ برسوں کے دوران ایل او سی پر بھارتی فوج کی اشتعال انگیز کاروائیوں میں تشویش ناک حد تک اضافہ ہوا ہے۔