May 16, 2021 | 8:57 PM

Trend TV

Better Informed Today

قومی ٹیم کے کپتان بابر اعظم کے خلاف مقدمہ درج کرنے کا حکم

لاہور: ایڈیشنل سیشن جج لاہور نے قومی کرکٹ ٹیم کے کپتان بابر اعظم کے خلاف مقدمہ درج کرنے کا حکم دے دیا ۔ قومی کرکٹر بابر اعظم کے خلاف بلیک میلنگ، ہراساں کرنے پر ایف آئی اے میں اندراج مقدمہ کیلئے درخواست پر سماعت ہوئی۔ایڈیشنل سیشن جج نے حامیزہ مختار کی درخواست پر سماعت کی۔

ایف آئی اے سائبر کرائم نے اپنی رپورٹ عدالت میں جمع کرائی ۔ رپورٹ میں کہا گیا ہے کہ مدعیہ حامیزہ مختار نے مذکورہ نمبروں کے خلاف دھمکانے بلیک میل کرنے سے متعلق درخواست دی۔انکوائری کے دوران مدعیہ کو نوٹس جاری کیا اور بیان رکارڈ کیاگیا۔فراہم کیے گئے نمبر مریم احمد اورمحمد بابراور سلیمی بی بی کے نام رجسٹرڈ تھے۔